Florian Türler, tifoz i Liverpool-it, vendosi një rekord të ri botëror për numrin më të madh të fanellave të një klubi, plot 1047. Ai e prezantoi koleksionin në Maglingen, Zvicër, më 31 gusht, në ditëlindjen e tij të 60-të. Koleksioni i tij ka një fanellë të ndryshme çdo ditë për pothuajse tri vite. Rekordi është konfirmuar.
“Fanellat përfshijnë ekipet zyrtare, xhaketa sportive dhe fanella me logon e Liverpool-it”, – sqaron noteri. Türler filloi të mbledhë fanella që në moshën 10-vjeçare, me të ardhurat nga puna në një dyqan lulesh. Më 1997, ai themeloi klubin e parë të tifozëve të Liverpool-it në Zvicër, të cilin e drejtoi për 20 vite.
Ai zotëron fanellat e të gjitha ekipeve të “Reds” që nga viti 1950: “Ky klub, ngjyra e kuqe, fryma e ekipit, solidariteti…; është e gjitha një histori e përbashkët”. Sa për vlerën, ai shpjegon: “1000 fanella i kam blerë për të paktën 100 franga, disa artikuj shiteshin për 1000-2000 euro”. Türler ende nuk ka vendosur nëse do ta ruajë apo shesë koleksionin, duke pritur ofertat.
The post Rekordi i ri “Guiness” / Tifozi i Liverpool-it mbledh 1047 fanella të ekipeve nga 1950-ta e këtej appeared first on Telesport.
