Reali Madrid po përgatitet për finalen e Superkupës së Spanjës, pas kualifikimit ndaj Atlético Madridit. Në një derbi elektrizues në Arabinë Saudite, ekipi i Xabi Alonso siguroi vendin në finale kundër Barcelonës. Kjo do të jetë ndeshja që të gjithë tifozët e presin dhe askush nuk do ta humbasë. Një nga yjet madrilenë që do të jetë në “King Abdullah Stadium” të dielën është Karim Benzema.
“MARCA” bisedoi me sulmuesin e Al Ittihad, i cili planifikon të shkojë në stadium për të parë ish-ekipin e tij kundër Barcelonës dhe madje do të përpiqet t’i vizitojë të bardhët para “El Clasico” në hotelin e tyre të grumbullimit, “Jeddah Hilton”. Karim ka ndeshje në kampionatin saudit këtë të premte ndaj Al-Kholood dhe, pas kthimit në Jeddah, do të kërkojë një moment për të biseduar me lojtarët e Xabi Alonso.
Derbi tregoi tërheqjen e madhe të Real Madridit në Arabinë Saudite, për “El Clasico” pritet stadiumi plot. Pas kualifikimit të Realit për finalen, në platforma si “WeBook” u regjistrua një listë pritjeje prej 300.000 personash. Tifozët janë të etur për të parë Barcelonën dhe Real Madridin ballë për ballë.
The post Real Madridi me “armë shtesë” në finale, Benzema do të jetë në “El Clásico” saudite appeared first on Telesport.
