Real Madrid po fiton 2-1 ndaj Mallorca-s, pas 45 minutave të para, në ndeshjen e vlefshme për javën e tretë në La Liga. Në minutën e 7-të, Real Madrid gjeti golin me Kylian Mbappe, por që u anullua nga VAR, për pozicion jashtë loje të francezit, një pozicion jashtë loje milimetrik.
Pas krosimit nga goditja e këndit nga Pablo Torre, Vedat Muriqi dërgon me kokë topin në rrjetë në minutën e 17-të. Avantazhi i Mallorca-s nuk zgjati shumë, sepse madrilenët përmbysën shifra me dy gola për dy minuta.
Në minutën e 36-të, Alvaro Carreras kroson bukur në zonë, Dean Hujisen asiston me kokë për Arda Guler, i cili e kishte mjaft të lehtë të dërgonte topin në rrjetë po me kokë. Vetëm një minutë më pas, ishte Vinicius Junior, i cili shënoi një gol shumë të bukur, pas një topi të marrë nga Federico Valverde, braziliani tregoi gjithë klasin e tij, duke dërguar topin në rrjetë për herë të dytë.
Në fund të pjesës së parë, Mbappe shënon golin e tretë, po anullohet sërish nga VAR, për pozicion jashtë loje të francezit.
The post Real Madrid përmbys golin e Muriqit dhe e mbyll pjesën e parë në avantazh (video) appeared first on Telesport.
