Pavarësisht se është 33 vjeç, Thibaut Courtois është ende në një nivel të lartë perfomance dhe shpeshherë vendimtar në sukseset e Real Madridit. Megjithatë, portieri belg është nën kontratë me “Los Blancos” deri në vitin 2027 dhe drejtuesit e Real Madridit po mendojnë që tani për zëvendësuesin e tij.
Mesa duket, Andriy Lunin nuk bind për të qenë titullar, ndaj lind nevoja për një pasues të denjë në vend të Courtois. Mediet spanjolle bëjnë me dije se në listën e Real Madridit janë dy emra: Gregor Kobel dhe Bart Verbruggen.
Kobel është nën kontratë me Borussia Dortmund deri në vitin 2028 dhe aktualisht është në kulmin e karrierës së tij. 28-vjeçari ka një vlerë në treg sipas Transfermarkt.com rreth 40 milionë euro.
Përsa i përket Bart Verbruggen, holandezi po shkëlqen në Premier League me Brighton dhe është nën radarin e disa klubeve të mëdha. 23-vjeçari është nën kontratë me Brighton deri në vitin 2028, por largimi nga ekipi anglez në verë është thuajse i sigurt duke ditur numrin e shumë të ekipeve që interesohen për të. Vlera në treg e holandezit është 35 milionë euro.
The post Real Madrid mendon për të ardhmen e afërt, dy emra në listë për të zëvendësuar Courtois. Lunin nuk bind appeared first on Telesport.
