Barcelona shkatërroi Valencian 6-0 në javën e katërt të La Liga-s, duke u ngjitur në kuotën e 10 pikëve, vetëm dy më pak se Real Madridi i Xabi Alonso. Trajneri Hansi Flick tha pas ndeshjes: “Fermin Lopez? Bëri një ndeshje të shkëlqyer, por jo vetëm ai. E gjithë skuadra u argëtua. Me mbylljen e merkatos, të gjithë mund të përqendroheshin te loja. Eric dhe Cubarsí mbrojtën shumë mirë, edhe mesfusha funksionoi në mënyrë të shkëlqyer”.
Për zgjedhjen në sulm: “Ferran apo Lewandowski? Kemi një skuadër fantastike, do të ketë hapësirë për të gjithë. Është luks të zgjedhësh mes tyre”.
Për Raphinha, i aktivizuar vetëm në pjesën e dytë, teksa mediat iberike shkruajtën se ky ishte dënim për të, pasi ishte paraqitur në stërvitje me vonesë, trajneri gjerman evitoi polemikat: “Roony po stërvitet mirë, ka mentalitet dhe qëndrim të shkëlqyer. Raphinha ka një mentalitet fantastik, por mund të luajnë vetëm 11. Kaq. Jam shumë i kënaqur me Roony, ka dëshirë të mësojë”.
The post Raphinha, jashtë formacionit për thyerje disipline? Flick eviton polemikat: Duhet të zgjedh vetëm 11… appeared first on Telesport.
