Sezoni 2024-2025 do të mbetet përgjithmonë në historinë e PSG-së. Klubi i kryeqytetit francez fitoi Ligue 1, “Trophée des Champions”, Kupën e Francës dhe Champions League, duke prekur “pokerin e madh” me finalen e humbur në Botërorin e Klubeve kundër Chelsea. Dominim pothuajse total, i konfirmuar jo vetëm në fushë, por edhe në financa.
Sipas një raporti të “Football Benchmark” mbi kampionët kombëtarë të sezonit të kaluar, parametrat ekonomikë të PSG janë shumë pozitivë. Klubi e mbylli bilancin me një humbje neto prej 40 milionë eurosh, por uli kostot: fondi i pagave ra me 18%, nga 668 në 547 milionë euro, edhe falë largimit të Kylian Mbappé. Sot pagat përbëjnë 65% të të ardhurave, kundrejt 109% më 2021-2022 dhe 83% më 2023-2024.
PSG regjistroi të ardhura rekord prej 837 milionë eurosh: 367 milionë nga aktivitetet komerciale, 293 milionë nga të drejtat televizive dhe 177 milionë nga stadiumi (+4%). Fitorja në Champions solli 154 milionë euro, ndërsa Botërori i Klubeve 38.4 milionë.
The post PSG, jo vetëm Champions. Të ardhura rekord dhe 200 milionë euro nga trofetë appeared first on Telesport.
