Jo vetëm Real Madrid, por edhe PSG do të tentojë transferimin e Enzo Fernandez gjatë merkatos së ardhshme të verës. Edhe pse 24-vjeçari është një lojtar shumë i rëndësishëm për Chelsea-n, zërat për largimin e tij në verë po shtohen gjithnjë e më shumë.
Tashmë dihet prej kohësh se argjentinasi ka përfunduar në radarin e Real Madridit. Klubi madrilen do të bëjë të paktën një përforcim “big” në mesfushë dhe një nga emrat e pëlqyer është pikërisht Enzo Fernandez.
Ndërkohë, “L’Équipe” zbulon se në garë për Fernandez është edhe PSG. Luis Enbrique është një fans i madh i argjentinasit, i cili shihet si një pasues ideal i Fabian Ruiz. Rrugëtimit të spanjollit te PSG duket se po i vjen fundi, ndaj lind nevoja për një lojtar të kompletuar në qendrën e mesfushës dhe Enzo Fernandez është profili ideal që mund të përshtatet në mënyrë perfekte në sistemin e Luis Enrique.
The post PSG i prish punë Real Madridit, futet në garë për transferimin e yllit të mesfushës appeared first on Telesport.
