Kryeministri Albin Kurti është pyetur nga gazetarja e Klan Kosovës, Qëndresa Tërshani, pse nuk e kanë rikandiduar Vjosa Osmanin, sërish për presidente.
Ai tha se kjo çështje ka nisur të diskutohet me propozime partiake, prandaj vendosën për Glauk Konjufcën.
Megjithatë, ai tha se Osmani nuk do ta garantonte kuorumin.
“Së pari, ne jemi përpjekur që ta gjejmë figurën konsenusale dhe shtegun për propozime partiake, e nisi PDK-ja, ne nuk ishim për atë. Kur na u tha që të bëhen veçse propozime te partive, ne erdhëm te emri i Glauk Konjufcës. Ne e kemi ditur se as presidentja aktuale as presidenti potencial nuk na garantojnë kuorumin, kjo u pa mbrëmë. Në këtë situatë, kemi bashkëpunuar me partitë tjera. Kështu erdhëm në situatën që nuk ishte kandidate presidentja aktuale.”
