Prokuroria Speciale e Kosovës, në bashkëpunim me Inspektoratin Policor dhe Agjencinë e Inteligjencës, ka nisur një operacion lidhur me dyshimet për veprën penale të spiunazhit, shkruan Reporteri.net.
Operacioni është ende në zhvillim dhe për shkak të ndjeshmërisë, detajet thotë Prokuroria do të bëhen publike më vonë.
Komunikatë e përbashkët:
Prokuroria Speciale e Republikës së Kosovës
Inspektorati Policor i Kosovës
Prishtinë, 17 Korrik 2025 – Prokuroria Speciale e Republikës së Kosovës njofton opinionin publik se nën udhëheqjen e saj, është duke u zhvilluar një operacion në bashkëpunim me Inspektoratin Policor të Kosovës dhe Agjencinë e Kosovës për Intelegjencë, në lidhje me dyshimet për kryerjen e veprës penale të spiunazhit.
Operacioni është ende në zhvillim dhe për shkak të ndjeshmërisë së hetimeve, më shumë detaje do të bëhen publike pas përfundimit të operacionit.
Prokurori i Shtetit do të ndërmarrë të gjitha veprimet e nevojshme hetimore në përputhje me ligjet në fuqi.
Zyra për Komunikim Publik në ZKPSH
Prokuroria Speciale e Republikës së Kosovës
Divizioni për bashkëpunim dhe informim
Inspektorati Policor i Kosovës
