Prokuroria Themelore në Prishtinë ka dalë me komunikatë për media, pas vdekjes së një personi në Prishtinë.
Në një komunikatë për media, prokuroria ka thënë se po heton rrethanat e ngjarjes tragjike që ndodhi pasditen e së premtes në “Rrugën B”.
“Prokuroria Themelore në Prishtinë – Departamenti për Krime të Rënda, njofton opinionin publik, se sot, më datë 09.05.2025, rreth orës 03:00 në ‘’Rrugën B ’’ në Prishtinë, ka ndodhur një rast i rëndë, ku një (1) person mashkull ka humbur jetën, dhe trupi i pajetë është dërguar për në obduksion në Insititutin e Mjekësisë Ligjore.
Prokurori kujdestar ka dalë në vendin e ngjarjes së bashku me njësitet relevante të Policisë së Kosovës, dhe ka urdhëruar ndërmarrjen e veprimeve të menjëhershme hetimore për ndriçimin e plotë të rastit.
Lidhur me këtë rast, Prokuroria ka inicuar procedurë penale me kallëzim penal si ‘’Hetim mbi vdekjen’’, për të sqaruar rrethanat e kësaj ngjarje.
Prokuroria Themelore në Prishtinë, është duke ndërmarrë të gjitha veprimet e nevojshme hetimore për zbardhjen e plotë të rrethanave të këtij rasti tragjik” – thuhet në komunikatë.
