Në pothuajse të gjitha pikat kufitare të Kosovës për dalje, ka pritje të gjata. Aktualisht, më e ngarkuara sipas Qendrës Kombëtare për Menaxhimin Kufitar është pika kufitare Dheu i Bardhë ku pritja për të dalë nga Kosova është dy orë e gjysmë.
Kolona e veturave në këtë pikë kufitare është 1km.
Pika tjetër kufitare në Merdar është po ashtu e ngarkuar, ku pritja për të dalë nga Kosova nga kjo pikë kufitare është dy orë ndërsa kolona e veturave 1 km.
Edhe në Jarinjë, pritjet janë deri në dy orë për të dalë nga Kosova ndërsa kolona e veturave është 2km.
Kolonë e gjatë prej 1 kilometër e gjysmë është bërë edhe në Bërnjak. Atje pritjet për të dalë nga Kosova janë deri në 1 orë.
Pritje për të dalë nga Kosova janë regjistruar aktualisht edhe në pikën kufitare Muçibabë. Për të dalë pritjet janë 1 orë e gjysmë, ndërsa për të hyrë gjysmë orë. Kolona e veturave në këtë pikë kufitare për dalje nga Kosova është deri në 700 metra.
Në Mutivodë pritjet për të dalë nga Kosova janë deri në 1 orë ndërsa kolonë të veturave nuk raportohet të ketë.
