Në një shtëpi të pabanuar në Zubin Potok, dje është gjetur armë dhe municion, ka njoftuar sot Policia e Kosovës.
Sipas tyre, arma është gjetur rreth orës 12:30.
Përveç armës dhe municionit, është gjetur edhe pajisje taktike, transmeton Paparaci.
“Njësitë policore gjatë kontrollit të shtëpisë së pabanuar kanë gjetur dhe sekuestruar: armë zjarri AK-47 me 30 fishekë, jelek taktik, pantallona taktike, maskë gazi, doreza dhe 10 fishekë të kalibrit 10 mm”, thuhet në njoftimin e Policisë së Kosovës.
Nuk janë dhënë detaje nëse ka të arrestuar.
Është hapur rast për “posedim të paligjshëm të armëve”./Paparaci.com
