Policia e Kosovës ka konfirmuar se ua ka vënë prangat dhe ka shoqëruar për në stacionin e policisë 12 persona, të cilët po protestonin para zyreve të ZRrE-së.
Sipas policisë, ata zhvilluan aksion të papralajmëruar, prandaj dhe Prokurori i shtetit po merret me ta.
“Sot rreth orës 08:00 në rrugën “Bekim Fehmiu” në Prishtinë, disa persona kanë zhvilluar një aktivitet të paparalajmëruar. Të njëjtit kanë shpërfillë urdhërat e zyrtarëve policor dhe kanë penguar disa zyrtarë të hyjnë në zyrat e tyre. Duke u gjendur në rrethana të tilla, policia ka shoqëruar në stacionin policor 12 prej protestuesve dhe aktualisht të njëjtit janë duke u proceduar konform autorizimeve policore në koordinim me Prokurorin e shtetit.” – ka thënë Flora Ahmeti, zëdhënëse e policisë.
