Policia e Kosovës ka nisur zyrtarisht dërgimin e gjobave të trafikut në adresën e pronarit të automjetit për shkeljet e identifikuara përmes kamerave dhe radarëve.
Ky mekanizëm synon të rrisë disiplinën në komunikacion dhe të përmirësojë sigurinë rrugore, duke ndëshkuar shkelësit e rregullave në mënyrë më efikase.
Gjobat do t’u dërgohen drejtpërdrejt pronarëve të automjeteve, të cilët do të mbajnë përgjegjësi për shkeljet e identifikuara me mjete teknologjike.
Policia apelon te qytetarët që të respektojnë rregullat e trafikut dhe të kontribuojnë në një mjedis më të sigurt rrugor për të gjithë pjesëmarrësit në komunikacion.
