Policia e Kosovës ka konfiskuar dy armë zjarri në dy raste të ndara në Mitrovicë dhe Vushtrri gjatë 24-orëve të fundit.
Në rastin e parë, njësia policore në Vushtrri ka kryer një bastisje në shtëpinë e një të dyshuari, ku ka gjetur dhe konfiskuar një armë-pistoletë. Pas intervistimit, i dyshuari është liruar në procedurë të rregullt.
Ndërkaq, në rastin e dytë, policia në Mitrovicë ka arrestuar dy persona të dyshuar, nga të cilët është konfiskuar një armë – pistoletë me tetë fishekë. Pas intervistimit, me urdhër të prokurorit, dy të dyshuarve u është caktuar masa e ndalimit policor.
Ndaj tyre janë iniciuar raste për veprat penale: “Mbajtje në pronësi, kontroll ose posedim të paautorizuar të armëve” dhe “Përdorim i armës”.
Policia e Kosovës vazhdon angazhimin e saj për të parandaluar veprimtaritë e kundërligjshme dhe për të garantuar sigurinë publike.
