Marc Cucurella u bë lojtari i fundit i Chelsea që shprehu gatishmërinë e tij për një transferim nga Stamford Bridge në Spanjë. Cucurella e filloi karrierën e tij si senior në Barcelonë përpara se të transferohej në Brighton, ku më pas vulosi një transferim te Chelsea.
Shoku i tij i skuadrës te Chelsea, Enzo Fernandez, gjithashtu kishte ndezur “flakët” për një transferim te Real Madrid, duke i thënë një mediumi argjentinas se do të merrte në konsideratë të jetonte në Madrid mes thashethemeve.
“Në fund të ditës, Spanja është gjithmonë Spanjë. Është atdheu im dhe vendi ku u rrita, dhe gjithmonë mendon të kthehesh, por mendoj se do ta lija për disa vite. Jam shumë i lumtur në Angli, edhe familja ime, dhe si përvojë jetësore, është shumë e mirë”, tha spanjolli.
I pyetur më tej nëse, nëse do të ndodhte një transferim i menjëhershëm te Barcelona, ai do ta merrte në konsideratë, Cucurella shtoi: “Epo, është e qartë se nëse ndodh diçka e tillë, është e vështirë t’i refuzosh, por do të duhej ta merrja në konsideratë”.
“Në fund të fundit, nuk ka të bëjë vetëm me mua, pasi do të duhej të mendoja edhe për familjen time, çfarë është më e mira për ta ose për të gjithë ne. Por, siç thashë më parë, nuk po mendoj për këtë tani. Nëse ndodh, ndodh dhe do të shohim se çfarë vendosim“, tha Cucurella.
The post Plas te Chelsea, edhe Cucurella i “hap derën” mundësisë së largimit nga Londra për t’u rikthyer në Barcelonë appeared first on Telesport.
