Përsëri Sami Kurteshi, gazetarja tenton t’ia bëj një pyetje, ai ndalet dhe i thotë “mos më përcjellni”, “hiqnu kësaj metode kriminale”

Derisa një gazetare ka tentuar t’i marrë një përgjigje anëtarit të VV’së në KQZ, Sami Kurteshit, ky i fundit i drejtohet përsëri duke thënë ‘Hiqnu kësaj metode kriminale’.

Kurteshi i cili që nga fillimi i numërimit të votave është shfaqur i tensionuar e agresiv, duke i ofenduar gazetarët, kësaj here i kërkon gazetares mos ta përcjell, pasi kjo e fundit e pyeti sa është pishman bërë ofendimet e bëra ndaj gazetarëve.

“Vec ju lutem mos më përcjell, nuk keni drejt me fotografu pa lejen time. Ju lutem mos më përcjellni. Ju Lutem hiqnu kësaj metode kriminale”, i drejtohet Kurteshi.

Analisti politik, Imer Mushkolaj, ka komentuar deklaratën e ish-kryeministrit Avdullah Hoti, i cili kërkoi udhëheqje të re për Lidhjen Demokratike të Kosovës (LDK). Sipas Mushkolajt, reagimi i Hotit tregon problemet brenda partisë, të cilat, sipas tij, kanë nisur që në kohën e hartimit të listave zgjedhore. “Pakënaqësitë mendoj se kanë lind shumë më herët, të paktën në kohën kur u bën listat zgjedhore, kur u hartuan ato Hoti u rendit i 13-ti, ndërkohë që të tjerë kanë mundur të jenë më pak meritor sesa ky me kontribut në LDK u renditën më përpara. Unë mendoj se problemi kryesor, ishte renditja e zonjës Kica – Xheleli në listën zgjedhore, edhe pakënaqësitë e zotit Hoti dhe të tjerëve kanë qenë për këtë arsye”, ka deklaruar ai në Debat Plus. Ai ka theksuar gjithashtu se pakënaqësitë nuk kanë qenë vetëm për listat, por edhe për mënyrën se si u zhvillua fushata zgjedhore. “Zonjës Kica – Xhelili iu rezervua numri tre në listën e LDK-së, ndërkohë që të tjerët u vendosën pas saj. Zëra të pakënaqësisë brenda LDK-së ka pasur edhe me fushatën zgjedhore, me pretendimet se Abdixhiku se e ka personalizuar fushatën, që pak a shumë mendoj se kanë pasur të drejtë. Kemi parë një fushatë të personalizuar qysh prej sloganit të fushatës e tutje”, ka deklaruar tutje Mushkolaj.

March 19, 2025