Chelsea ka fituar 3-2 ndaj West Ham, në derbin londinez të luajtur në “Stamford Bridge”, i vlefshëm për javën e 24-të në Premier League. Derbi u zhbllokua që në minutën e 7-të, Aaron Wan-Bissaka kroson, Jarrod Bowen shtyn topin në rrjetë.
Në minutën e 36-të, West Ham shënoi golin e dytë pas një kundërsulmi dhe kombinimi perfekt mes Bowen, Wan-Bissaka dhe Summerville, ky i fundit dërgon topin në rrjetë. Pjesa e parë mbyllet 0-2 për West Ham.
Liam Rosenior e nis me 3 zëvendësime direkt pjesën e dytë, futen Cucurella, Joao Pedro dhe Fofana, të cilët direkt ndryshuan lojën e “Bluve”. Në minutën e 57-të, Wesley Fofana kroson në zonë, Joao Pedro shënon me kokë.
Në minutën e 70-të, Marc Cucurella ndjek bukur aksionin dhe shënon me kokë, duke barazuar shifrat 2-2. Në minutën e 92-të, Enzo Fernandez shënoi golin e fitores së madhe, pas asistit të Joao Pedro.
Chelsea fiton 3-2 dhe renditet në vendin e 4-të me 40 pikë, ndërsa West Ham mbetet në vendin e 18-të.
The post Përmbysje spektakolare në “Stamford Brige”, Chelsea fiton në frymën e fundit në derbin londnez (video) appeared first on Telesport.
