Qendra Kombëtare për Menaxhim Kufitar ka publikuar përditësimin e fundit për gjendjen në pikat kufitare.
Sipas të dhënave më të fundit, pritjet më të gjata vazhdojnë të regjistrohen në pikën kufitare Dheu i Bardhë. Për të hyrë në Kosovë, qytetarët po presin deri në 35 minuta, ndërsa kolona e automjeteve ka arritur në rreth 700 metra.
Pritje deri në 20 minuta për hyrje në Kosovë ka edhe në pikën kufitare Muçibabë, ku kolona e automjeteve është rreth 150 metra.
Situata paraqitet më e qetë në Han të Elezit, ku pritjet për të hyrë në Kosovë zgjasin deri në 10 minuta.
Në të gjitha pikat e tjera kufitare, situata vazhdon të jetë e qetë dhe hyrjet e daljet po realizohen pa vonesa.
