Tiranë, 28 gusht 2025. Mbrëmja e “Arena Kombëtare” nuk u shënjua vetëm nga futbolli. Para dhe pas ndeshjes së “play off”-it të Ligës së Konferencës mes Dinamo City dhe Jagiellonia, u regjistruan incidente jashtë fushe, me tensione të ndezura nga sjelljet provokuese të tifozavë polakë, që kishin mbërritur në kryeqytetin shqiptar, dhe reagimeve që morën nga tifo-grupet vendase.
Çfarë ndodhi? Gjatë ditës, një tifoz i Jagiellonias u filmua teksa përdhoste bustin e heroit tonë kombëtar, Gjergj Kastrioti Skënderbeu, në sheshin qendror të Tiranës. Më vonë, në mbrëmje, i njëjti person u konfrontua dhe u godit nga disa të rinj shqiptarë pranë stadiumit, të tjerë u ndeshën me prita të tifo-grupeve shqiptare deri në aerportin e Rinasit, siç dokumentohet nga pamje që qarkulluan në rrjete të huliganëve dhe u raportuan në media.
Grupi ultras i Jagiellonias ka qenë shpesh në qendër të kritikave për mesazhe politike të ndaluara në javët e fundit, në ndeshjet europpiane, çka e rriti ndjeshmërinë e ndeshjes edhe në Tiranë. Para ndeshjes, që përfundoi 1-1, media shqiptare publikuan pamjet e turmës së tifozëve polakë, të cilët kryenin gjeste të turpshme poshtë bustit të Skënderbeut dhe valëvitnin një flamur me mbishkrimin “Kosova është Serbi”. Gjithashtu, qytetarë të shumtë denoncuan se tifozëria e Jagiellonias përdorte kore të tipit “vritini shqiptarët”, duke u asociuar hapur e artë me huliganët serbë.
Çfarë pritet tani? Episode të tilla huliganizmi dhe provokimet politike zakonisht mbërrijnë në komisionin disiplinor të UEFA-s, i cili në raste të ngjashme ka ndërmarrë masa ndaj klubeve dhe federatave. Autoritetet shqiptare dhe ato të sigurisë pritet të analizojnë pamjet e publikuara dhe të vlerësojnë çdo përgjegjësi të mundshme.
The post Përdhosën bustin e Skënderbeut në Tiranë, tifo-grupet shqiptare “iu japin dru” huliganëve polakë (video) appeared first on Telesport.
