“Përalla” Sunderland ndal Arsenalin në frymën e fundit, londinezëve iu ikën fitorja nga duart (video)

Sunderland është padyshim surpriza më e bukur e këtij sezoni në Premier League. Ekipi i drejtuar nga Regis Le Bris ka ndalur sot Arsenalin në një barazim 2-2.

Vendasit e mbyllën pjesën e parë në avantazh 1-0. Goli erdhi në minutën e 36-të, ku pas një topi të gjatë të nisur nga portieri Robin Roefs, dhe pasimit me kokë të Nordi Mukiele, ishte Daniel Ballard që dërgoi topin ne portën e mbrojtur nga David Raya me një goditje të bukur.

Fillimisht Arsenal barazoi shifrat me golin e Bukayo Saka, pas asistit të Mikel Merino, në minutën e 54-të. Gjithçka ndodhi pas një topi të humbur nga lojtarët e Sunderland në mesin e fushës së tyre.

Në minutën e 73-të, Leanro Trossard i dha avantazhin Arsenalit me një gol fantastik, pas një goditjeje të bukur në kufijtë e zonës së rreptësisë. Brian Brobbey barazon shifrat me një gol spektakolar në minutat shtesë, duke i hequr fitoren nga duart Arsenalit.

Pas këtij barazimi, Arsenal mban vendin e parë me 26 pikë, ndërsa Sunderland në vendin e tretë me 19 pikë.

SHIKOGOLAT

The post “Përalla” Sunderland ndal Arsenalin në frymën e fundit, londinezëve iu ikën fitorja nga duart (video) appeared first on Telesport.

Në prag të ditës së zgjedhjeve për rundin e dytë në Prizren, Lidhja Demokratike e Kosovës ka bërë thirrje për mobilizim të plotë të strukturave dhe mbështetësve të saj, në përkrahje të kandidatit për kryetar të Prizrenit, Shaqir Totaj, në kuadër të marrëveshjes së bashkëqeverisjes LDK–PDK. “Nesër është dita vendimtare për ta dëshmuar angazhimin tonë në kuadër të marrëveshjes së bashkëqeverisjes LDK–PDK, dhe për ta mbështetur z. Totaj për kryetar të Prizrenit,” thuhet në njoftimin e LDK-së. Subjekti ka kërkuar nga të gjitha strukturat që të jenë të pranishme dhe aktive gjatë gjithë ditës së zgjedhjeve. “Ju lusim që gjatë ditës së nesërme të aktivizoheni maksimalisht, të kontaktoni kryesitë e nëndegëve dhe përkrahësit tanë, dhe të sigurohemi që çdo votë e jona të jetë e pranishme dhe e numëruar,” theksohet në njoftim. Në fund, LDK ka përcjellë një mesazh të qartë për unitet dhe bashkëpunim: “Ky është momenti për angazhim dhe për fitore të përbashkët. Fitore✌️”

November 8, 2025