Ish-ambasadori Lulzim Peci tha se edhe nëse thirret mbledhja konstituive pas certifikimit të zgjedhjeve, mund të ndodh që mos të konstituohet Kuvendi.
“Sepse Lëviza Vetëvendosje mund të thotë se derisa s’na jep neve Gjykata Kushtetuese vendimin ne nuk e propozojmë kryetarin e Kuvendit të Kosovës e kështu më radhë tash mundemi me i pa tendencat se a është zvarritje e procesit”, tha Peci në RTV21.
“Sepse deri dje unë kam mendu se kemi opsionet e hapura, po prej ditës së djeshme unë mendoj se me atë që është dëgjuar aty me pas Vetëvendosje postin e kryeministrit nuk besoj që ne do të kemi dyer të hapura në Uashington”, tha ai.
Peci ka komentuar edhe mashtrimit që iu bë kryeministrit në detyrë Albin Kurti nga komedianët rus, është emergjente që qeveria të bëhet nga opozita.
Ai e konsideroi si fat për Kosovën që gjatë kësaj bisede nuk është nxjerrë ndonjë sekret shtetëror.
“Sekret i lartë i cili kishte mundur me pasë pasoja për Kosovën, fati jonë është që kemi pasur kësi muhabeti”, tha ai.
