Kryetari i PDK-së në Gjilan, Riad Rashiti, ka mbajtur një konferencë për media, ku ka trajtuar sërish çështjen e dorëheqjes së drejtoreshës së Financave, Herolinda Murati-Leka.
Në emër të PDK-së në Gjilan, Rashiti ka kërkuar dorëheqjen e kryetari Hyseni, sepse sipas tij, kjo e shpëton qytetin e Gjilanit.
“Dorëheqja e kryetarit të komunës ka qenë dhe mbetet shpëtim për Gjilanin, këtë e kemi kërkuar nga viti i kaluar përshkak gjendjes së jashtëzakonshme që e ka sjellë ai komunën tonë, ku po mbretëron një tension i paparë brenda institucioneve komunale deri në akte të dhunës fizike për ndërhyrje militanteske të VV-së duke ia thyer cilindrin e zyres saj, në drejtorinë e buxhetit ku menaxhohen 40 milion euro të qytetarëve të Gjilanit”, ka thënë ai.
Sipas Rashiti, drejtoresha e Drejtorisë së Financave, është e fundit e cila është përballur me një kaos institucional, duke shtuar se ka edhe dorëheqje të këtij lloji.
