Partia Demokratike e Kosovës po vazhdon publikimin e një serie të veçantë videosh, përmes të cilave adreson tema të caktuara politike, ekonomike dhe shpalos arsyet pse duhet të votohet Bedri Hamza për Kryeministër të Republikës së Kosovës.
Veçantia e kësaj serie qëndron në vazhdimin e përdorimit të Inteligjencës Artificiale në komunikimin e fushatës, një qasje që kjo parti e ka përdorur edhe në krijimin e këngës së fushatës “We Rise Together”.
Videoja e sotme, e publikuar sot nga PDK, i referohet vizionit të Bedri Hamzës për bashkim e integrim.
“Të bashkuar në Kosovë. Të respektuar në botë. Voto Bedri Hamzën!”, thuhet në videon e PDK-së.
