Të martën, policia ka zbuluar dhe sekuestruar armë dhe municion në një banesë në veri të Mitrovicës. Banesa në fjalë ishte e uzurpuar për më shumë se 25 vjet.
Sipas familjarëve, prona i përket familjes se mjekut të njohur, Shaqir Demiri dhe ka qenë e uzurpuar për vite me radhë nga një person serb, i cili, sipas tyre, nuk është parë që nga sulmi në Banjskë.
Kujtim Demiri, djali i mjekut, në një postim në Facebook, ka falënderuar Policinë për kthimin e pronës.
“Këto që i ka gjet e sekuestru Policia e Kosovës, janë gjet në pronën e familjes tonë në veri, që ka qenë e uzurpuar për 25 vjet nga krimineli famëkeq në veri Z.A. Sipas fqinjëve, thuhet se nga rasti i sulmit në Banjska – ky kriminel nuk është parë në qytet. Nga ajo kohë, sipas fqinjëve – gruaja e tij M.A. ka bartë sende nga aty, përveç këtyre që u gjeten. Sot, banesat ku kemi lindur unë e vëllau im, e ku jemi rritë – u liruan, uroj që sa më shpejtë të kthehemi të gjithë në pronat tona në veri”, ka njoftuar ai.
Ndryshe, Policia e Kosovës ditën e martë ka njoftuar se ka asistuar Agjencinë Kosovare për Krahasim dhe Vlerësim të Pronës (AKKVP), në rrugën “Lola Ribar”, në veri të Mitrovicës, konkretisht në një banesë e cila ishte e uzurpuar dhe e mbyllur (pa banorë) në të cilën janë gjetur armë dhe municion.
Sipas njoftimi bëhet e ditur se janë sekuestruar: 56 fishekë të kalibrave të ndryshëm, municion për pushkë ajrore, 1 optik për armë të gjatë, 1 kuti për mbushje të municionit, 1 fotrollë për pistoletë, 2 gaz-maska, 2 video-kamera dhe 1 video-kasetë e vogël, dokumente të ndryshme, 1 foto-aparat, 1 lexues (DVD), 1 vulë të rrumbullakët.
Po ashtu siç thuhet në njoftim në vijim të hetimeve Policia ka identifikuar bashkëshorten e personit i cili dyshohet se e kishte uzurpuar pronën e cila banonte në një banesë aty afër.
“Në bazë të dyshimeve është kontrolle edhe në banesën tjetër ku policia ka gjetur dhe sekuestruar: 1 pistoletë, 1 tytë e armës së shkurtë, 1 fishek, dhe 1 armë (e modifikuar, stilo-laps).
Lidhur me rastin është arrestuar e dyshuara M.A., 56 vjeç, e cila është intervistuar, dhe ndaj saj me urdhër të Prokurorit është iniciuar rasti “Mbajtje në pronësi, kontroll ose posedim të paautorizuar të armëve”. Pas intervistimit e dyshuar është liruar, ndërsa rasti procedohet në procedurë të rregull
The post Pas 25 vjetësh, familjes Demiri i kthehet prona në veri – policia brenda gjeti armë dhe municion appeared first on Kosovapost.net.
