Pas 15 orësh janë nxjerrë gjallë nga rrënojat dy persona në Thumanë.
Gazetarja Glidona Daci raporton nga Thumana se një grua e identifikuar si Lindita Cara u nxorr e gjallë pak minuta më parë, ndërsa është përcjellë në spital për të marrë ndihmë mjekësore.
Po ashtu pritet që nga momenti në moment të dalë personi i dytë, i cili është një mashkull që është shpëtuar nga forcat e shpëtim-kërkimit. Një prej ekspertëve nga autoritetet greke ka zbritur nën rrënoja i ka dhënë atij ndihëm e parë duke e fashuar dhe duke i dhënë edhe serum.
Operacioni për të shpëtuar këtë të fundit ka zgjatur rreth 3 orë pasi ndodhej në një zonë mjaft të vështirë nën rrënoja.
Sipas banorëve të zonës, personi që është duke u nxjerrë dyshohet se është djali i gruas që u shpëtua më herët.
Sakaq, ekipet vazhdojnë të kërkojnë, pasi dyshohet se edhe një person tjetër nën rrënoja, edhe ky i gjallë./abcnews.al
