Partizani eliminohet nga Champions

Partizani e mbylli në turin e parë pjesëmarrjen në Champions për të vijuar në Europa League. Të kuqtë e Franco Lerda u mundën me rezultatin 2 – 0 me Qarabag të mërkurën në Baku.

Një sfidë ku kampionët e Shqipërisë patën shanset e tyre, por pa mundur të shënojnë. Pas pjesës së parë ku mbrojta u shfaq e disiplinuar, pas pushimit lojtarët e dorëzuan. Ozbiç kaloi Qarabag në avantazh në minutën e 51’. Të kuqtë nuk u dorëzuan madje duke patur raste më të pastra shënimi, por pa mundur t’i shfrytëzojnë.

Alban Hoxha shmangu të tjerë gola deri pak para fundit. Dani Quintana realizoi pas një kundërsulmi të azerëve në minutën e 94’. Partizani tani do të vijojë garën në Europa League. Në turin e dytë do të luajë me moldavët e Sheriff Tiraspol ku aktivizohet Liridon Latifi. Ndeshja e parë do të luhet më 25 Korrik në shtëpi, ndërsa ajo e kthimit më 1 Gusht në transfertë.

Pas publikimit të një fotografie ku shihej në ambientet e një spitali, këngëtarja Dafina Zeqiri është detyruar të reagojë publikisht ndaj zërave që sugjeronin se ajo kishte shkuar për të lindur. Artistja, e cila ndodhet në ditët e fundit të shtatzënisë, ka hedhur poshtë këto spekulime përmes një reagimi të drejtpërdrejtë në rrjetet sociale. Në një InstaStory, ajo u shpreh e revoltuar duke thënë: “Jeni tu dek për një exclusivitet që s’keni me marrë KURR! Lëreni të qetë shtatzëninë time”. Foto: Dafina Zeqiri/InstaStory Me këto fjalë, Dafina kërkoi qartësisht respekt për privatësinë e saj në një nga momentet më të ndjeshme të jetës. Gjatë kësaj periudhe të veçantë, këngëtarja ka vazhduar të jetë shumë aktive në skenën muzikore, duke publikuar projekte të reja dhe duke u shfaqur e sigurt dhe krenare me barkun e saj të rrumbullakosur. Klipi i saj i fundit muzikor, i lansuar vetëm pak ditë më parë, është pritur me entuziazëm nga publiku dhe fansat e saj të shumtë, duke dëshmuar se përkushtimi i saj ndaj artit nuk është ndalur as në prag të lindjes.

July 12, 2025