Një aeroplan privat me dy vende u rrëzua në autostradën A21 jashtë qytetit verior italian të Brescias. Dy personat në bord humbën jetën. Ata ishin një avokat nga Milano dhe partnerja e tij.
Pas rrëzimit, avioni shpërtheu dhe u përfshi nga flakët në mes të autostradës. Shumë shoferë arritën të kalonin me makinat e tyre pothuajse përmes flakëve. Tre persona u plagosën dhe u dërguan në spital, dhe jeta e tyre mësohet se nuk është në rrezik.
Hetuesit ende nuk kanë qenë në gjendje të përcaktojnë nëse ky incident tragjik ishte për shkak të të fikëtit të papritur të pilotit apo një defekti mekanik./LAPSI.al
