Presidentja e Republikës së Kosovës, Vjosa Osmani, priti sot në takim koordinatorin e ri të Kombeve të Bashkuara për Zhvillim në Kosovë, Stephen O’Malley, njofton Presidenca, transmeton KosovaPost.
Me këtë rast, Osmani ka uruar O’Malley për rolin e tij të ri, duke i uruar sukses përgjatë mandatit të tij.
Presidentja ka shprehur mirënjohje për punën e Agjencive të Kombeve të Bashkuara të pranishme në Republikën e Kosovës, të cilat, në bashkëpunim me institucionet vendore, kanë kontribuar në arritjen e objektivave të përbashkëta.
“Këto objektiva përfshijnë projekte për fuqizimin e të drejtave të njeriut, me theks të veçantë personat me nevoja të veçanta, barazia gjinore, Agjenda për Gratë, Paqen dhe Sigurinë, zhvillimi i qëndrueshëm ekonomik, si dhe fusha të tjera me rëndësi”, thuhet në njoftim.
The post Osmani takon Koordinatorin e ri të Kombeve të Bashkuara appeared first on Kosovapost.net.
