Presidentja e Kosovës, Vjosa Osmani është duke qëndruar në Shtetet e Bashkuara të Amerikës, në New York, ku në kuadër të javës së nivelit të lartë ka takuar dhe ka shtrënguar duart me zyrtarë të ndryshëm.
Sot ajo njoftoi se ka shtrënguar duart me Sekretarin amerikan të Shtetit, Antony Blinken.
Përmes një publikimi në rrjetin social “X”, Osmani tha se e falënderoi Blinken për mbështetjen e palëkundur të Amerikës.
“Gjithmonë është mirë të takohesh me Sekretarin amerikan të Shtetit, Antony Blinken, përkrahës i palëkundur i popullit të Kosovës. Në pritjen liderëve në Nju Jork nga presidenti Joe Biden, e falënderova për mbështetjen e palëkundur të SHBA-së”, shkroi ajo.
Always great to connect with @SecBlinken, a steadfast supporter of the people of Kosovo.
At the @POTUS Leaders' Reception in New York, I thanked him for the U.S.'s unwavering support. 🇽🇰🇺🇸 pic.twitter.com/vn2zgVggp4
— Vjosa Osmani (@VjosaOsmaniPRKS) September 27, 2024
