Albert Krasniqi nga Demokracia Plus ka thënë se përmendja nga ana e LDK-së se Vjosa Osmani mund të jetë kandidate e tyre për presidente, ia ka prishur skenarin kryeministrit Albin Kurti.
Në Rubikon të Klan Kosova, ai tha se Kurtit i ka dalë kriza nga dora, dhe këtë nuk e ka pritur.
“Tani është duke e menaxhuar krizën në të cilën ka hyrë, e të cilën nuk e ka parashikuar se do t’i dalë nga dora. Ka llogaritur se partitë opozitare janë shumë të frikësuara nga rezultati zgjedhor dhe do ta votojnë këdo që zoti Kurti do ta propozonte për president”.
“Nuk ka llogaritur se LDK do të jap mbështetje për të [Vjosa Osmanin]. Ka shpresuar që ajo nuk do të mund të sigurojë përkrahje nga ndonjë subjekt politik, dhe këtu i doli nga dora skenari të cilin e ka planifikuar. Dhe po e shihni këtë mllefin që e ka Haxhiu dhe Kurti, që deputetët duhet të sillen në sallë, njëfarë detyrimi për të qëndruar aty, po e kërkojnë nënshtrimin për të qëndruar aty dhe t’ia votojnë kandidaten”, u shpreh Krasniqi.
