Derisa të gjithë liderët e Bashkimit Evropian mbështetën konkluzat për forcimin e mbrojtjes evropiane, kryeministri hungarez ka hequr dorë nga deklaratat për mbështetjen e vazhdueshme të bllokut për Kievin.
Kryeministri hungarez Viktor Orbán ka hequr dorë nga konkluzat e përbashkëta të BE-së për mbështetjen ndaj Ukrainës në një samit të vështirë në Bruksel, duke detyruar këto deklarata të miratohen nga 26 vendet e mbetura anëtare.
Të gjithë liderët ndërkohë ranë dakord mbi deklaratat për forcimin e mbrojtjes kolektive të bllokut, e cila iu referua një nisme prej pesë pikash të shpalosur në fillim të kësaj jave nga shefja e Komisionit Evropian Ursula von der Leyen që synonte riarmatosjen e kontinentit.
Samiti i jashtëzakonshëm u mblodh fillimisht në përgjigje të bisedimeve SHBA-Rusi për të ardhmen e Ukrainës dhe u përshtat si një shfaqje e përbashkët e gatishmërisë së BE-së për të rritur përpjekjet e saj për të mbështetur Ukrainën në afat të shkurtër dhe për të siguruar autonominë e saj strategjike për të mbrojtur veten në afat të gjatë, shkruan Euronews.
