Gati 100 persona janë regjistruar si të rrëmbyer ose të zhdukur në Siri që nga fillimi i vitit, me raportime për zhdukje të reja me forcë që vazhdojnë, tha të premten zyra e OKB-së për të drejtat e njeriut.
“Njëmbëdhjetë muaj që nga rënia e qeverisë së mëparshme në Siri, ne vazhdojmë të marrim raporte shqetësuese për dhjetëra rrëmbime dhe zhdukje me forcë”, u tha gazetarëve në Gjenevë zëdhënësi i Zyrës së Komisionerit të Lartë të Kombeve të Bashkuara për të Drejtat e Njeriut (OHCHR), Thameen Al-Keetan, shkruan Reuters.
OHCHR ka dokumentuar të paktën 97 persona të rrëmbyer ose të zhdukur që nga janari i këtij viti dhe tha se ishte e vështirë të përcaktohej një shifër e saktë.
Numri i fundit është përveç më shumë se 100,000 njerëzve që u zhdukën nën presidentin e rrëzuar Bashar al-Assad, tha Al-Keetan.
