Kreu i Organizatës Botërore të Shëndetit (OBSH) ka paralajmëruar për luftën kundër koronavirusit, duke thënë se sëmundja “do të jetë me ne për një kohë të gjatë”.
Dr Tedros Adhanom Ghebreyesus deklaroi gjithashtu tendencat rritëse në rastet e Covid-19 në Afrikë, Evropë Lindore, Amerikë Qendrore dhe Amerikë Jugore.
Ai tha se heqja e bllokimeve mund të shkaktojë që “të mbretërojnë” infeksionet me virus, shkruan BBC.
Dr Tedros gjithashtu mbrojti trajtimin e pandemisë së OBSH-së.
Ai tha se ai besonte se kanë paralajmëruar mjaftueshëm herët botën për Covid-19.
“Duke parë mbrapa, mendoj se ne e shpallëm urgjencën në kohën e duhur dhe kur bota kishte kohë të mjaftueshme për t’u përgjigjur,” i tha ai një konferencë të përditshme në Gjenevë. OBSH e shpalli Covid-19 një Emergjencë të Shëndetit Publik si çështje Ndërkombëtare në 30 Janar dhe tha që ishte bërë një pandemi në 11 Mars.
