Jan Oblak e ka shkruar prej kohësh emrin e tij në historinë e Champions League me paraqitje të paharrueshme në skenat më prestigjioze të Europës; nga “Allianz Arena” te “Anfield”, duke kaluar nga “Camp Nou” dhe “Santiago Bernabéu”. Megjithatë, legjenda e tij vazhdon të rritet. Në Stamboll, portieri slloven arriti 100 paraqitje në kompeticionin më të madh europian për klube, të gjitha me fanellën e Atlético Madridit.
Një arritje me vlerë të jashtëzakonshme. Oblak është futbollisti i parë slloven që e realizon këtë dhe hyn në një klub shumë të ngushtë prej vetëm 62 lojtarësh në historinë e Champions League. Mes tyre, vetëm pesë portierë kishin arritur më parë shifrën 100 ndeshje: Iker Casillas (177), Manuel Neuer (157), Gianluigi Buffon (124), Petr Čech (111) dhe Víctor Valdés (106).
Oblak e ka mbajtur portën të paprekur në 37 ndeshje Champions-i, statistika e pestë më e mirë e të gjitha kohërave. Ky numër nuk është rritur këtë sezon, ku ka pësuar gjithmonë të paktën një gol, edhe për shkak të brishtësisë mbrojtëse të skuadrës, e dukshme sidomos në transfertat ndaj Liverpool-it dhe Arsenalit.
The post Oblak në “klubin 100”, portieri i gjashtë për paraqitje në historinë e Champions-it appeared first on Telesport.
