Kryetari i Këshillit Lokal në Besi të komunës së Prishtinës, ka shprehur shqetësimin e banorëve të fshatrave Besi, Vranidoll, Rimanishtë dhe Teneshdoll, për mungesën e mbikalimit në Besi dhe Vranidoll, gjë që kjo sipas tij rrezikon fëmijët që do ta vijojnë procesin mësimor, shkruan fokusi.info.
Postimi i plotë i tij:
Jemi në prag të fillimit të ri shkollor dhe ende nuk ka mbikalim në Besi dhe Vranidoll, gjë që për shkak të kësaj, rrezikohen fëmijët për ta vijuar procesin mësimor.
Pavarësisht kërkesave dhe peticionit që në emër të Këshillit Lokal në Besi ia kemi dërguar Ministrisë së Infrastrukturës, ende nuk kemi përgjigje dhe zgjidhje në këtë drejtim.
Si kryetar i Këshillit Lokal në Besi, shpreh shqetësimin tim për neglizhencën e Institucioneve. Prandaj, jam i shtyrë nga banorët e fshatrave Besi, Vranidoll, Rimanishtë dhe Teneshdoll që të marrim masa më radikale, duke përfshirë edhe protestat.
Këshilli Lokal Besi
Bislim Syla, kryetar
