Humbja 1-3 ndaj Monaco në kampionat ka rikthyer pasigurinë te skuadra e PSG, që përgatitet për ndeshjen e Champions League ndaj Chelsea të mërkurën. Kjo ishte humbja e tyre e parë në shtëpi për këtë sezon në kampionat.
Komentet e mbrojtësit Nuno Mendes u përpoqën ta vendosnin situatën aktuale të ekipit në perspektivë, duke hedhur poshtë justifikimin e lodhjes. “E vërteta është se nuk po kalonim një ditë aq të mirë sa Monaco”, tha portugezi.
“Fizikisht, mendoj se jemi mirë, por nuk ishim në nivelin tonë, nuk bëmë atë që bëjmë zakonisht. Nuk është çështje lodhjeje, duhet të pushojmë dhe punojmë përpara ndeshjes së së mërkurës. Do të kthehemi të përballemi me Chelsean me dëshirën për të fituar“, tha Nuno Mendes.
Trajneri Luis Enrique komentoi gjithashtu performancën, duke u përqendruar në gabime individuale si ajo e Zaïre-Emery. “Goli i parë është një dhuratë, diçka e pazakontë në futbollin profesional”.
“Ne jemi një nga ekipet më të mira mbrojtëse në ligë dhe në Ligën e Kampionëve; të pësosh gola nuk është zakon. Po përpiqem të kundërbalancoj këtë moment pesimizmi. Mund ta ndryshojmë situatën dhe kjo është ajo që do të përpiqemi të bëjmë në të ardhmen e afërt“, tha Luis Enrique.
The post “Nuk jemi të lodhur por ishte një ditë e keqe, do të përballemi me Chelsea me dëshirën për të fituar” appeared first on Telesport.
