Portieri James Trafford pranon se u habit kur Manchester City nënshkroi me Gianluigi Donnarumma në fund të merkatos së verës së shkuar. Ai pritej të ishte titullar pas largimit të Ederson, por duket se trajneri Pep Guardiola kishte plane të tjera.
Pasi luajti si titullar në tre ndeshjet e para të Premier League këtë sezon, situata ndryshoi kur “citizens” sollën në mënyrë oportuniste fituesin e Champions League dhe që nga ajo kohë Donnarumma ka luajtur titullar.
“Nuk e prisja që situata të ndryshonte, por ndodhi. Thjesht vazhdoj me të. Është ajo që është, ky është futbolli. Duhet të vazhdosh të përmirësohesh çdo ditë dhe kur të vijnë rastet e tua, luaj sa më shumë që të mundesh“, tha Trafford.
Portieri i kombëtares angleze U21, ka më pak se 12 muaj që ka nënshkruar një kontratë pesëvjeçare. Megjithatë, duke pasur parasysh rrethanat aktuale, ai nuk është i sigurt se çfarë e pret të ardhmen.
“Le ta marrim ditë pas dite dhe të përpiqem të punoj sa më shumë që të mundem dhe çfarëdo që të ndodhë, do të ndodhë. Sigurisht që kam një kontratë por nuk e di se çfarë do të ndodhë sezonin e ardhshëm. Thjesht e di që do ta marr ditë pas dite dhe do të përpiqem të përmirësohem“, tha Trafford.
The post “Nuk e prisja që të vinte Donnarumma dhe të më zinte vendin, nuk e di nëse do të qëndroj te City” appeared first on Telesport.
