Policia e Kosovës ka nisur hetimet mbi vdekjen e një shtetasi të huaj në Qendrën Klinike Universitare të Kosovës.
Sipas raportit të Policisë, viktima ishte i hospitalizuar në QKUK që nga data 9 mars.
Në raport thuhet se viktima ishte me leje qëndrim të përkohshëm në Kosovë.
“Raportohet se në QKUK ka ndërruar jetë viktima mashkull shtetas i huaj, i cili ishte i hospitalizuar që nga data 09.03.2026. Viktima ishte me leje qëndrimi të përkohshëm në Kosovë. Me vendim të prokurorit, trupi i pa jetë dërgohet në IML për obduksion”, thuhet në raport.
