Alessandro Costacurta, në një intervistë për “Gazzetta dello Sport”, komentoi momentin e Milanit, aktualisht kryesues i vetëm në Serie A. Ai theksoi se, pavarësisht humbjes në javën e parë ndaj Cremonese, skuadra ka konsoliduar mentalitetin e fortë dhe disiplinën:
“Që nga fillimi kam thënë se ky Milan mund të konkurrojë për titull. Pa kupat europiane, mund të fokusohet vetëm te kampionati. Diçka që më befason është ritmi i shpejtë me të cilin skuadra e ka arritur këtë mentalitet. Pas humbjes së parë, Allegri foli për perceptim të dobët të rrezikut, unë isha dakord me këtë. Ai e ka identifikuar problemin dhe e ka korrigjuar. Ardhja e lojtarëve me përvojë rrit sigurinë, mbrojtësit ndihen më të vetëdijshëm, ka kujdes më të madh për detajet. P.sh., krosimet arrijnë më pak në zonë dhe krijohen më pak rreziqe”.
Për sulmuesit: “Një si Leao nuk mund të qëndrojë jashtë. Tani duhen rezultate prej tij: ose më jep përgjigje, ose luajnë të tjerët. Në duet me Pulisic mund t’i bëjnë dëme çdo mbrojtjeje. Një repart i tillë krijon konkurrencë të brendshme. Nkunku është i fortë, Gimenez shumë interesant, më kujton Crespo e Parmës, edhe pse ka problemin e golit. Siç thoshte Ancelotti për Hernan: kur krijon raste, golat do të vijnë”.
The post “Një lojtar si Leao nuk mund të lihet kurrë jashtë, Gimenez më kujton Crespon” appeared first on Telesport.
