Më shumë se 6000 pjesëmarrës kanë filluar Marshimin vjetor të Paqes, një udhëtim treditor prej 100 kilometrash në nder të 30-vjetorit të gjenocidit të Srebrenicës.
Marshimi rikthehet në rrugën e njohur si “Marshimi i Vdekjes”, ku mijëra burra dhe djem boshnjakë ikën drejt Tuzlës në korrik 1995 në kërkim të sigurisë.
I mbijetuari Salih Mulaliq, i cili humbi vëllanë e tij gjatë gjenocidit.
“Kur kaloj pranë vendit ku u vra vëllai im, gjithçka kthehet. Dikur doja të hiqja dorë nga Marshimi, por durova. Tani, tregoj historinë time, më ndihmon dhe ua kalojmë të rinjve në mënyrë që kjo të mos harrohet kurrë”.
Midis marshuesve është Senad Haxhiq, i cili është i njohur për ecjen drejt Mekës për Haxh. Kjo është hera e tij e 14-të që merr pjesë, tani duke ecur së bashku me një grup pelegrinësh, shkruan N1, transmeton Klankosova.tv.
Marshimi filloi në Sapna më 8 korrik dhe do të përfundojë më 10 korrik në Qendrën Përkujtimore të Srebrenicës në Potoçari. Rruga përfshin terren malor dhe të pyllëzuar, me distanca ditore deri në 30 kilometra.
Marshi përfundon më 10 korrik me një përkujtim dhe varrimin e viktimave të sapoidentifikuara të gjenocidit të nesërmen.
The post Nis “Marshi i Paqes” në nder të viktimave të gjenocidit në Srebrenicë appeared first on Kosovapost.net.
