Një episod tragjik ka tronditur futbollin ekuadorian. Arbitri Javier Ortega u vra gjatë një ndeshjeje të zhvilluar në Pasaje, në provincën El Oro, të dielën më 12 prill. Sipas mediave sud-amerikane, 48-vjeçari u qëllua me armë zjarri nga disa persona që hynë në fushë dhe më pas u larguan.
Pavarësisht ndërhyrjes së shpejtë të ndihmës së parë, ai ndërroi jetë në vend. Ngjarja shkaktoi panik mes lojtarëve dhe spektatorëve në stadiumin “Los Alamos”, duke çuar në ndërprerjen përfundimtare të ndeshjes. Autoritetet vendase pezulluan përkohësisht ndeshjet e klubit pritës deri në sqarimin e plotë të rastit.
Është hapur një hetim për identifikimin e autorëve dhe motivit. Hetuesit po shqyrtojnë pista të ndryshme, përfshirë konflikte personale, hakmarrje për vendime arbitrimi apo lidhje me baste sportive. Policia po analizon dëshmi dhe pamje nga kamerat e sigurisë.
Reagimet kanë qenë të menjëhershme. Autoritetet premtuan bashkëpunim të plotë me drejtësinë, ndërsa federata kërkoi rritjen e sigurisë. Shoqatat sportive kërkojnë masa më të forta dhe prani më të madhe policore për të mbrojtur arbitrat e pjesëmarrësit.
The post Ngjarje tronditëse! Maskat hyjnë në fushë dhe vra*in arbitrin gjatë ndeshjes së futbollit appeared first on Telesport.
