Alan Cantero e kishte gdhendur prej kohësh ëndrrën në lëkurë; një tatuazh me Leo Messin dhe Kupën e Botës. Sulmuesi argjentinas i Alianza Lima kishte vetëm një dëshirë, ta takonte idhullin e tij. Fati ia solli përballë në një ndeshje kundër Inter Miami, ku Messi ishte protagonisti absolut edhe jashtë rezultatit.
Pas vërshëllimës finale, Leo iu afrua Canteros dhe ia dhuroi fanellën e tij, duke i dhënë jetë një momenti të paharrueshëm. Të dy u përqafuan, ndërsa Cantero nuk i mbajti dot lotët. “Ai është idhulli im. Është një ëndërr. I thashë se e admiroj dhe se është burimi im i frymëzimit. Është nder t’ia shtrëngoj dorën dhe ta marr fanellën e tij”, – tha ai i prekur.
Një gjest i thjeshtë, por me peshë të madhe njerëzore. Messi edhe një herë tregoi përulësinë dhe klasin që e kanë shoqëruar gjatë gjithë karrierës.
The post Nga tatuazhi i Messit në trup te fanella e tij, ëndrra e sulmuesit argjentinas bëhet realitet appeared first on Telesport.
