Interi dëshiron të fitojë Superkupën Italiane, por është i vetëdijshëm se ndodhet në Riad falë një formati që, në të kaluarën, nuk do ta lejonte pjesëmarrjen. Në konferencë për shtyp para gjysmëfinales me Bologna, trajneri Chivu tha: “Kemi ambicie për të fituar, formati i ri na lejon të jemi këtu dhe duam ta shfrytëzojmë. Ndoshta nuk e meritonim të ishim këtu; neve dhe Milanit na kanë bërë një dhuratë. Duam ta luajmë deri në fund dhe të mos mendojmë për të kaluarën”.
Nga katër skuadrat në Arabinë Saudite, vetëm dy vijnë si fituese: Napoli (kampion i Italisë) dhe Bologna (fitues i Kupës së Italisë). Interi u kualifikua si i dyti në kampionat, ndërsa Milani si finalist humbës i Kupës, pas një sezoni të mbyllur në vendin e nëntë.
Formati “final four”, i futur më 2023 për dukshmëri ndërkombëtare, nuk është i përhershëm. Më 2026 mund të rishqyrtohet; Superkupa Italiane nuk do të luhet në Arabinë Saudite. Nëse nuk ka interes për formatin me katër ose ndeshja zhvillohet në Itali, pritet rikthimi te formati klasik me dy skuadra, pa “dhurata”.
The post “Neve dhe Milanit na kanë bërë një dhuratë, nuk e meritonim të ishim këtu” appeared first on Telesport.
