Në Angli ka debat të madh për paraqitjen e Gianluigi Donnarumma në ndeshjen mes Real Madridit dhe Manchester City. Mes kritikave për gabimin në golin e parë dhe meritës për penalltinë e pritur ndaj Vinicius Jr., opinioni në Angli anon më shumë drejt gjykimit negativ, duke e konsideruar vendimtare pasigurinë që i hapi rrugë fitores së Realit.
Episodi kryesor është goli i parë i shënuar nga Federico Valverde. Në pamjet e përsëritura shihet qartë se portieri italian, në momentin kur topi ishte pranë dorës së tij, e tërhoqi dorën e majtë dhe nuk e preku, duke i dhënë mundësi Valverdes të shënojë në portën bosh. Mesfushori uruguajan më pas realizoi edhe dy gola të tjerë, duke kompletuar tripletën.
Hipoteza më e përhapur është se Donnarumma kishte frikë se po dilte jashtë zonës dhe mund të prekte topin me dorë jashtë saj. Ish-portieri i Anglisë, Joe Hart, shpjegon: “Ai mendoi se po ndërhynte jashtë zonës dhe zgjodhi të mos rrezikojë penallti apo karton të kuq. Më mirë të sakrifikojë golin”.
Valverde ne topçu ya hastasıyım şu çocuğun, pas da inanılmaz. Donnarumma yumurtlamış biraz ceza sahası dışına çıktığını sanıp elini çekti toptan pic.twitter.com/BYC5JPlnkq
— Ozzy (@kanaryasoul) March 11, 2026
The post Në Angli pyesin: Pse Donnarumma e hoqi dorën nga topi te goli i parë i Real Madridit? appeared first on Telesport.
