Në ndeshjen miqësore Gjermania dhe Spanja kanë barazuar 1-1 në stadiumin “Esprit arena” në Düsseldorf të Gjermanisë.
Ishin spanjollët ata që erdhën në epërsi në minutën e 6-të me anë të Rodrigos, i cili morri një pasim fantastik nga ana e Andres Iniestës.
Por, gjermanët arritën të barazonin rezultatin përmes Thomas Mullerit, i cili realizoi një super gol nga distanca në minutën e 35-të.
Deri në fund të ndeshjes më nuk pati gola dhe kështu, kjo ndeshje miqësore luksi përfundoi me rezultat të barabartë 1-1.
