Në prag të finales së madhe mes Kosovës dhe Turqisë, sfidë që do të luhet mbrëmjen e të martës në “Fadil Vokrri” dhe vlen një biletë për Kupën e Botës 2026, komentatori i njohur turk Haldun Domaç ka bërë një deklaratë vërtet të bujshme.
Në një intervistë për A SPOR, Domaç shprehet se Vedat Muriqi dëshironte të luante me Turqinë, kur ishte pjesë e Giresunspor në vitet 2014-2016.
“Vedat Muriqi donte shumë të luante për Kombëtaren tonë. Në atë kohë, Fatih Terim ishte trajner. Shumica e dokumenteve u përfunduan ndërsa ai ishte te Giresunspor, por kjo nuk ndodhi për shkak të detajeve të vogla”, tha Domaç.
Kujtojmë se Muriqi është golashënuesi më i mirë në historinë e Kosovës dhe sigurisht një nga lojtarët më të rëndësishëm dhe padyshim protagonist kryesor në sukseset e arritura nga Dardanët.
The post “Muriqi donte të luante me kombëtaren e Turqisë. Në atë kohë, Fatih Terim ishte trajner…” appeared first on Telesport.
