Hekuran Murati i VV-së, që mbante pozitën e deputetit dhe ministrit në të njëjtën kohë, e madje ishte propozuar edhe për kryetar të Kuvendit, ende flet se si opozita është fajtore për paaftësinë e Albin Kurtit që të krijojë një shumicë të thjeshtë, shkruan Gazeta Metro.
”Nuk i votuan, jo se kishin ndonjë kundërshtim me përmbajtjen, por sepse menduan që duke e bllokuar shtetin e duke i lënë qytetarët pa paga, faji do t’i mbetej Albin Kurtit”, tha ai.
Por, siguroi Murati, qytetarët do t’i mbajnë mend këto veprime dhe do ta ndëshkojnë opozitën, thua se ishte detyrë e partive të tjera krijimi i qeverisë.
”Qytetarët do ta mbajnë mend këtë veprim destruktiv të partive opozitare dhe do t’ua tregojnë vendin me votë me 28 dhjetor”, përfundoi iluzioni i Muratit./gazetametro.net
