Shenoll Muharremi, analist, përmes një postimi në rrjetin social, Facebook, ka thënë se tri veprime janë të mjaftueshme për të kthyer Kosovën në rrugën e zhvillimit.
Këto veprime janë investimet masive në energji, kapja e momentumit historik të zgjerimit të BE-së dhe hapja e negociatave për anëtarësim, si dhe investim i fuqishëm në përkrahje të bizneseve dhe prodhuesve vendorë.
Postimi i plotë:
Vetëm me tri veprime, nëse kishte pas vullnet dhe pak dashni për këtë vend, është e mundur me e kthy Kosovës në rrugë pozitive:
- Investime masive në energji (qymyr, gaz, solar, erë dhe ujë);
- Kapja e momentumit historik të zgjerimit të BE-së dhe hapja e negociatave për anëtarësim;
- Investim i fuqishëm në përkrahje të bizneseve dhe prodhuesve vendorë (miliarda!).
Vetëm këto tri veprime, aspak të pamundshme në rrethanat e sotme, munden me e kthy Kosovën në rrugën e zhvillimit dhe prosperitetit.
Po a ka kush me i bo?
Apo tash disave më shumë po i konvenon stagnimi… sesa me e shty këtë vend përpara.
