Këngëtari i njohur Gramoz Aliu – Mozzik i është bashkuar listës së figurave publike që kanë vendosur të mbështesin kandidatë politikë në zgjedhjet e ardhshme.
Përmes një postimi në rrjete sociale, Mozzik ka shprehur hapur përkrahjen e tij për Arian Tahirin, duke shpërndarë materialin e tij zgjedhor dhe shkruar:
“Padyshim që je në listën time.”
Ky reagim është pritur me interes nga ndjekësit e artistit, duke gjeneruar komente të shumta në rrjete sociale.
Mozzik, i cili gëzon një ndjekje të madhe në publik, shpeshherë ka reaguar për çështje shoqërore dhe aktuale, por rrallëherë ka bërë deklarata të drejtpërdrejta për kandidatë politikë.
